BUNNY CARD-ის პირობები

  1. ხელშეკრულების მიზნები
    1. წინამდებარე პირობები წარმოადგენს ხელშეკრულებას მომხმარებელსა და შპს „შაომი საქართველოს“ (ს.კ 405445727; შემდგომში – კომპანია) შორის, რომელიც  დადებულად ითვლება თქვენ მიერ წინამდებარე შეთანხმებაზე ხელმოწერით, ნებისმიერი ტიპის  საბარათე ოპერაციის ჩატარებით ან/და ელექტრონული საკომუნიკაციო არხების მეშვეობით თანხმობის გაცხადებით.
    2. წინამდებარე ხელშეკრულების დადებით მომხმარებელი გამოხატავს და ადასტურებს ნებას BUNNY CARD-ის (შემდგომში შესაძლოა მოხსენიებულ იქნეს, როგორც  „ბარათი“) გამოყენების შემთხვევაში დაგიგროვოს ქულები, რაც  საშუალებას მისცემს დაგროვებული ქულების სანაცვლოდ აირჩიოს და მიიღოს ნივთი.
  2. ზოგადი წესები
    1. BUNNY CARD-ის მფლოებელი შესაძლებელია  იყოს მხოლოდ საქართველოს მოქალაქე ან/და რეზიდენტი ფიზიკური პირი 18 წლის ასაკიდან, რომელსაც გააჩნია 11 ნიშნა პირადი ნომერი;
    2. ბართი მომხმარებელს გადაეცემა კომპანიის ბრენდულ მაღაზიაში 150 ლარიან ან/და მეტი ღირებულების პროდუქციის შენაძენის შემდგომ.
    3. BUNNY CARD წარმოადგენს კომპანიის საკუთრებას და მოქმედებს განუსაზღვრელი ვადით;
    4. BUNNY CARD არ არის საბანკო ფინანსური  სადებეტო ან საკრედიტო სტატუსის მატარებელი;
  3. ქულების დაგროვება 
    1. დარიცხული ქულების რაოდენობა განისაზღვრება მაქსიმუმ 1% -ით, თუ ცალკეული პროექტ(ებ)ის/აქციების პირობების შესაბამისად განსხვავებული პირობა არ არის დადგენილი კომპანიის მიერ ცალმხრივად;
    2. კომპანიის სავაჭრო ობიექტებში ქულების დაგროვების მიზნით, პროდუქციის შესყიდვის განხორციელებისას, ბარათის მფლობელი წარადგენს ბარათს ანგარიშსწორების მწარმოებელ პირთან  (მოლარე, ოპერატორი ან სხვა საამისოდ უფლებამოსილი პირი). ანგარიშსწორების მწარმოებელი პირი გაატარებს ბარათს შესაბამის აპარატურულ მოწყობილობაში ქულების დარიცხვის მიზნით.
    3. ელექტრონული არხებით ქულების დაგროვების მიზნით ბარათის მფლობელი რეგისტრაციის ან გადახდის პროცესში მიუთითებს ბარათის ნომერს ან/და  პირად ნომერს.
    4. ბარათის მფლობელის ანგარიშზე დაგროვებული ქულების აღრიცხვა ხდება მყისიერად, მას შემდეგ, რაც განხორციელებულდება  საბარათე ოპერაცია;
    5. ქულები არ დაგროვდება:
      1. თუ ბარათი არ იქნება წარდგენილი და არ ჩატარდება საბარათე ოპერაცია  სავაჭრო ობიექტში შესყიდვის განხორციელებისას;
      2. საბარათე ან იდენტიფიკაციის ოპერაციის ჩატარებისას ბარათის ნომრის ან იდენტიფიკაციის რაიმე საშუალების  არამართებულად მითითებისას;
    6. ბარათის მფლობელებისთვის დაგროვებული ქულების ოდენობის შესახებ ინფორმაცია ხელმისაწვდომია მოთხოვნისთანავე კომპანიის ფილიალებში ან/და საინფორმაციო/სატელეფონო ცენტრში.
  4. ქულების დახარჯვა
    1. დაგროვებული ქულების გამოყენება შესაძლებელია  კომპანიის მიერ სავაჭრო ობიექტებში განთავსებული პროდუქციის შესაძენად;
    2. მომხამრებელი ქულების გამოყენებას ვერ შეძლებს ნებისმიერი ფასდაკლებულ პროდუქციაზე ან/და კომპანიის მიერ გამოცხადებული სააქციო ღონისძიებების დროს, მათ შორის ონლაინ პლატფორმებზე განთავსებული ფასდაკლებების/სააქციო შეთავაზებების დროს.
    3. დაგროვებული ქულების სანაცვლოდ ფულადი თანხის მოთხოვნა არ დაიშვება.
    4. მომხმარებლის მიერ ბარათის დაკარგვის შემთხვევაში შესაძლებელია დაგროვილი ქულების ერთჯერადი დახარჯვა, ბარათის მფლოებელის პირადობის დამადასატურებელი დოკუმენტის წარმოდგენის საფუძველზე. ბარათის დაკარგვის შემთხვევაში ბარათის აღდგენა და დაგროვების გაგრძლება შესაძლებელი არ არის.
  5. ქულების ჩამოწერა
    1. ქულები ჩამოიწერება:
      1. ნივთის ღირებულების ექვივალენტური ქულების შესაბამისად;
      2. ქულების დაგროვების პროცესში  შეცდომის გამოვლენის შემთხვევაში;
      3. ქულების დაგროვების პროცესში  საეჭვო ოპერაციის დაფიქსირებისას;
      4. ბარათის მფლობელის ან კომპანიის მიერ იმ შესყიდვის ოპერაციის გაუქმებისას (მაგალითად შესყიდული საქონლის დაბრუნება და სხვა), რომელიც წარმოადგენდა ქულების დაგროვების საფუძველს;
      5. საქართველოს მოქმედი კანონმდებლობით დადგენილ სხვა შემთხვევაში.
      6. ქულები ჩამოიწერება პასიური ანგარიშებიდან, რომელზეც დაგროვების ტიპის საბარათე ოპერაციები არ წარმოებულა ბარათის მფლობელის მიერ უკანასკნელად/ბოლოს განხორციელებული დაგროვების ტიპის საბარათე ოპერაციიდან  12 (თორმეტი) თვის განმავლობაში;
  6. მონაცემების დამუშავება
    1. წინამდებარე პირობებზე თანხმობით მომხმარებელი  ეთანხმება პირობას მასზედ, რომ ბარათით მომსახურებით სარგებლობის შემთხვევაში კომპანია უფლებამოსილია განახორციელოს მომხმარებლის პერსონალური მონაცემების (სახელი, გვარი, პირადი ნომერი, საცხოვრებელი მისამართი ან/და ტელეფონის ნომერი, პირადობის დამდასტურებელი დოკუმენტი ან/და პასპორტის ასლი), ასევე მომხმარებელთა სატელეფონო ცენტრთან დაკავშირებისას საუბრის ჩანაწერების დამუშავება, რაც ყოველგვარი შეზღუდვის გარეშე, მოიცავს ავტომატური, ნახევრად ავტომატური ან არაავტომატური საშუალებების გამოყენებით მონაცემთა მიმართ შესრულებულ ნებისმიერ მოქმედებას, კერძოდ, მათ შეგროვებას, ჩაწერას, ფოტოზე აღბეჭდვას, აუდიოჩაწერას, ვიდეოჩაწერას, ორგანიზებას, შენახვას, შეცვლას, აღდგენას, გამოთხოვას, გამოყენებას ან გამჟღავნებას მონაცემთა გადაცემის, გავრცელების ან სხვაგვარად ხელმისაწვდომად გახდომის გზით, დაჯგუფებას ან კომბინაციას, დაბლოკვას, წაშლას ან განადგურებას; 
  7. ხელშეკრულების შეწყვეტა
    1. ხელშეკრულება ცალმხრივად შეწყდება კომპანიის მიერ, თუ ძირითადი ან დამატებითი ბარათის მფლობელი არ იცავს წინამდებარე პირობებს, განზრახ აწვდის  კომპანიას არასწორ ინფორმაციას ან/და არამართლზომიერად   იყენებს ბარათს, ან მასთან დაკავშირებულ უფლებებს;
    2. ბარათის მფლობელი უფლებამოსილია ნებისმიერ დროს  შეწყვიტოს წინამდებარე ხელშეკრულება ან/და გააუქმოს დამატებითი ბარათ(ებ)ი კომპანიისათვის წინასწარი წერილობითი შეტყობინების საფუძველზე. წინამდებარე ხელშეკრულების შეწყვეტა ნიშნავს ბარათის მოქმედების შეწყვეტას და ამ მომენტისათვის ძირითადი ბარათის ანგარიშზე დარიცხული ქულების გაუქმებას.
    3. ასევე საქართველოს მოქმედი კანონმდებლობით დადგენილ სხვა შემთხვევაში.
  1. გარდამავალი დებულებები
    1. წინამდებარე ხელშეკრულებაზე თანხმობის გაცხადებით ბარათის მფლობელი ადატურებს, რომ მის მიერ რეგისტრაციისას მოწოდებული ინფორმაცია  წარმოადგენს ზუსტ და უტყუარ მონაცემებს;
    2. BUNNY CARD-ის ნებისმიერი სახით გასხვისება (გაყიდვა, მესამე პირისათვის გადაცემა, დაგირავება)  არ არის ნებადართული; 
    3. ბარათის მფლობელი ვალდებულია კომპანიას დაუყოვნებლივ  შეატყობინოს ბარათის  დაკარგვის, მოპარვის ან დაზიანების შესახებ საინფორმაციო/სატელეფონო ცენტრის ნომერზე   +995 (32) 2 03 30 30, ან კომპანიის მაღაზიათა ფილილებს ქულების არასანქცირებული გახარჯვის თავიდან არიდების მიზნით;
    4. ბარათის მფლობელთა შორის განზრახ ან შემთხევით ბარათების გაცვლა/არევის შემთხვევაში და მესამე პირების მიერ ბარათების არასანქცირებული  გამოყენებით დამდგარ შედეგებზე  კომპანია პასუხს არ აგებს;
    5. კომპანია უფლებამოსილია ტექნიკური შეფერხებისას ან ფორს-მაჟორული გარემოებისას დროებით შეაჩეროს მომსახურება ასეთი გარემოების აღმოფხვრამდე;
    6. სადავო ურთიერთობის არსებობის შემთხვევაში მხარეები შეეცდებიან მოლაპარაკების გზით პრობლემის მოგვარებას, ხოლო მოლაპარაკების შეუძლებლობის შემთხვევაში დავა განსახილველად გადაეცემა თბილისის საქალაქო სასამართლოს.
    7. კომპანია უფლებამოსილია ცალმხრივად ცვლილებები (დამატებები) შეიტანოს წინამდებარე პირობების ტექსტში ცვლილებების (დამატებების) განხორციელებამდე მინიმუმ 10 (ათი)  კალენდარული დღით ადრე კომპანიის ვებ გვერდზე (www.xiaomi.com.ge) შესაბამისი ინფორმაციის განთავსების მეშვეობით. თუ ცვლილების ძალაში შესვლამდე ბარათის მფლობელი არ შეატყობინებს კომპანიას, რომ არ ეთანხმება დაგეგმილ ცვლილებას ამ შემთხვევაში ცვლილება/დამატება ჩაითვლება ბარათის მფლობელთან  შეთანხმებულად  და ცვლილებების ვებ გვერდზე განთავსების მე-5 დღიდან  ცვლილებები ავტომატურად შედის ძალაში.